ایرانی وزیر خارجہ کی مختلف ممالک کے وزراء خارجہ سے ملاقات

مہر خبررساں ایجنسی کی رپورٹ کے مطابق اسلامی جمہوریہ ایران کے وزیر خارجہ علی اکبر صالحی نے نیویارک میں  لیبیا، پاکستان، جارجیا، یوکرائن اور بلاروس کے وزراء خارجہ کے ساتھ دو طرفہ تعلقات اور عالمی مسائل پر تبادلہ خیال کیا ہے۔ ایرانی وزير خارجہ نے ان ملاقاتوں میں علاقائی مسائل بالخصوص شام کے مسئلہ کو حل کرنے کے سلسلے میں ایران کی کوششوں سے آگاہ کیا، ایرانی وزیر خارجہ نے پاکستانی وزير خارجہ حنا ربانی کھر سے ملاقات کے دوران اقتصادی ، تجارتی اور ثقافتی شعبوں میں باہمی تعاون کو فروغ دینے پر تاکید کی۔