مہر خبررساں ایجنسی کے مطابق، اسرائیل ٹائمز نے ایک سروے رپورٹ جاری کرتے ہوئے کہا ہے کہ حماس اور مقاومتی تنظیموں کے حملوں کی وجہ سے اسرائیلی شہری خوف اور وحشت کا شکار ہیں۔ ایک چوتھائی اسرائیلی شہریوں کو نتن یاہو کابینہ اور اسرائیلی فوج پر کوئی اعتماد نہیں ہے۔
سروے رپورٹ کے مطابق ایک چوتھائی اسرائیلیوں نے نتن یاہو حکومت اور اسرائیلی فوج پر کسی بھی قسم کا اعتماد ہونے سے انکار کیا۔
سروے کے مطابق غزہ جنگ میں اولین ترجیح فوجی کامیابی کے بجائے صہیونی یرغمالیوں کی باحفاظت واپسی ہونا چاہئے۔
یاد رہے کہ صہیونی فورسز نے گذشتہ روز ایک بیان میں اعتراف کیا ہے کہ اسرائیلی حملوں کی زد میں آکر اب تک 31 یرغمالی ہلاک ہوچکے ہیں۔
اس سے پہلے حماس نے بھی کئی مرتبہ صہیونی حملوں میں یرغمالیوں کی ہلاکت کی خبر دی تھی۔