مہر خبررساں ایجنسی کی رپورٹ کے مطابق، ایران نے ایک اور اہم خلائی کامیابی حاصل کر لی ہے۔ ایرانی ساختہ مواصلاتی اور تحقیقاتی سیٹلائٹ "ناہید 2" کو روسی راکٹ سایوز کے ذریعے خلا میں روانہ کردیا گیا۔
"ناہید 2" ایک جدید تحقیقاتی و مواصلاتی سیٹلائٹ ہے، جسے ایران کے خلائی تحقیقاتی ادارے نے ڈیزائن اور تیار کیا ہے۔ اس سیٹلائٹ کا بنیادی مقصد ملکی سطح پر سیٹلائٹ مواصلاتی نظام کو فروغ دینا اور خلائی شعبے میں خود انحصاری حاصل کرنا ہے۔
یہ سیٹلائٹ خلا میں مختلف تجرباتی مشن سرانجام دے گا، جن میں ڈیٹا کی ترسیل، مواصلاتی چینلز کی جانچ، اور مختلف تکنیکی و سائنسی مطالعے شامل ہیں۔ "ناہید 2" کے ذریعے ایران ایسے جدید سسٹمز کی جانچ کرے گا جو آئندہ آنے والے سیٹلائٹس میں کارآمد ثابت ہوسکتے ہیں۔
اس سیٹلائٹ کی کامیاب روانگی نہ صرف خلائی تحقیقاتی شعبے میں ایران کی ترقی کا عملی ثبوت ہے بلکہ یہ بین الاقوامی سطح پر روس کے ساتھ سائنسی اور خلائی تعاون کی اہم علامت بھی ہے۔
ایرانی خلائی ماہرین کا کہنا ہے کہ "ناہید 2" کے کامیاب مشن سے نہ صرف ایران کی خلائی صلاحیتوں میں اضافہ ہوگا بلکہ یہ آئندہ نسلوں کے لیے سائنسی خودکفالت کی بنیاد بھی بنے گا۔
آپ کا تبصرہ