امریکہ کے دریائے ایلک میں 5 ہزار گیلن مہلک کیمیائی مواد گرگیا

مہر خبررساں ایجنسی نے رائٹرز کے حوالے سے نقل کیا ہے کہ امریکی ریاست مغربی ورجینیا میں دریا کے پانی میں مہلک کیمیکل شامل ہوگیاہے۔ ورجینیا کے گورنر کے مطابق ریاستی دارالحکومت چارلزٹون کے قریب دریائے ایلک میں 2روز پہلے تقریباً 5ہزار گیلن مہلک صنعتی کیمیکل شامل ہوگیا۔ تاہم اب پانی میں کیمیکل کی شرح بتدریج کم ہو رہی ہے۔ حکام کے مطابق یہ کیمیکل ایک کمپنی کے ٹینک سے خارج ہوکر دریا میں آیا۔ واقعے کے بعد مغربی ورجینیا میں ہنگامی حالت کا اعلان کردیا گیا۔ علاقے میں اسکول اور دفاتر بند کر دئیے گئے اور تقریباً 3لاکھ افراد نلکوں کے پانی سے محروم ہیں۔