مہر نیوز کے مطابق، ناصر کنعانی نے اپنے ایکس اکاؤنٹ پر لکھا کہ ایران میں انتخابات دینی جمہوریت کا مظہر ہیں اور انتخابات میں ایرانیوں کا زیادہ سے زیادہ ٹرن آؤٹ ملک کے انتظام میں ان کے موثر اور فیصلہ کن کردار کے علاوہ خارجہ پالیسی کے اہداف کو آگے بڑھانے کی قومی قوت میں بھی اضافہ کرے گا۔
انہہوں نے کہا کہ صدارتی انتخابات کی کوریج کے لیے اس وقت بہت سے غیر ملکی میڈیا رپورٹرز ایران پہنچ چکے ہیں، جن کا مقصد اس اہم الیکشن میں عوام کی شرکت کی شرح اور ٹرن اوٹ کی رپورٹنگ کرنا ہے۔
ناصر کنعانی نے کہا کہ بلاشبہ ایران کی سربلندی ہی تمام ایرانیوں کی مشترکہ خواہش ہے اور بیرون ملک مقیم ایرانی اس الیکشن میں اپنی پرجوش شرکت سے ایک بار پھر وطن عزیز کے لیے اپنی بے لوث محبت کا اظہار کریں گے۔