ہندوستان میں سیلاب اور طوفانی بارشوں سے اب تک 700 سے زائد افراد ہلاک ہوگئے ہیں

مہر خبررساں ایجنسی نے ہندوستانی ذرائع کے حوالے سے نقل کیا ہے کہ ہندوستان کی شمالی ریاست اتر پر دیش میں مون سون کی مسلسل بارشوں اور سیلاب سے تباہی پھیل گئی ہےاور ہزاروں افرادبے گھرہوگئے ہیں ۔

ہندوستان کے کئی علاقے ان دنوں مون سون کی شدید بارشوں کی لپیٹ میں ہیں۔اترپردیش میں فیض آباد کے علاقے میں سیلاب کے باعث ہزاروں دیہاتی بے گھر ہو گئے ہیں اور کسمپرسی کی زندگی گزارنے پر مجبور ہیں ۔ان علاقوں میں سیلابی ریلے سے بڑے پیمانے پر تباہی آئی ہے اور سیکڑوں ایکڑ پر کھڑی فصلیں اور جانور پانی میں بہہ گئے ہیں۔ سیلاب اور طوفانی بارشوں سے اب تک 700 سے زآئد افراد ہلاک ہوگئے ہیں۔