مہر خبررساں ایجنسی کے مطابق، الاقصی چینل نے کہا ہے کہ غرب اردن کے کئی علاقوں میں صہیونی فورسز نے بلاجواز فلسطینیوں کے مکانات پر چھاپے مارے ہیں۔
الخلیل میں واقع العرب کیمپ کے اطراف میں چھاپے کے دوران صہیونی فوجیوں نے بے گناہ فلسطینی جوانوں کو گرفتار کرکے اپنے ساتھ لے گیا ہے۔
غرب اردن سے ہی موصولہ اطلاعات کے مطابق نابلس کے مشرق میں صہیونی فوج اور فلسطینی جوانوں کے درمیان شدید جھڑپیں ہوئی ہیں۔ فلسطینی جوانوں نے گشت کرنے والی صہیونی فوجی ٹیم پر حملہ کیا۔
دراین اثناء الجزیرہ نے کہا ہے کہ صہیونی انتہا پسندوں نے سیکورٹی فورسز کی مدد سے نابلس کے مشرقی حصے میں حضرت یوسفؑ کے مزار پر حملہ کیا ہے۔