مہر خبررساں ایجنسی نے الجزیرہ کے حوالے سے کہا ہے کہ فلسطینی مقاومتی تنظیم الاقصی بریگیڈ نے غزہ کے اطراف میں واقع صہیونی علاقوں پر شدید میزائل حملے کئے ہیں۔
مقامی ذرائع کے مطابق فلسطینی مجاہدین کے حملے میں صہیونی فوج کے دفاعی آلات کو شدید نقصان پہنچا ہے۔
دراین اثناء صہیونی ریڈیو نے اپنی رپورٹ میں کہا ہے کہ رفح میں مجاہدین نے صہیونی علاقوں پر 12 میزائل فائر کئے ہیں۔
صہیونی ذرائع ابلاغ کے مطابق حالیہ ایام میں فلسطینی مقاومت کی جانب سے صہیونی علاقوں اور فوجی تنصیبات پر ماضی کی نسبت حملوں میں اضافہ ہوا ہے۔