مہر خبررساں ایجنسی کو سپاہ روح اللہ کے صوبائی شعبے سے موصولہ اطلاعات کے مطابق خصوصی ٹیم نے انتہائی ہوشیاری کے ساتھ کاروائی کی۔
سپاہ کے صوبائی دفتر سے جاری ہونے والے بیان میں کہا گیا ہے کہ صوبہ مرکزی میں سپاہ روح اللہ کو موصول ہونے والی خفیہ اطلاعات کے مطابق ایک منحرف فرقے کے اراکین سرگرمیوں میں مصروف تھے۔ ترکی اور کینیڈا سے امداد حاصل کرنے والے ان افراد کے خلاف سپاہ روح اللہ کے اہلکاروں نے کاروائی کی اور گرفتار کرکے قانونی کاروائی کے لئے عدالت کے حوالے کردیا ہے۔
گمراہ فرقے کی تبلیغات سے متاثر ہونے والے عام افراد کو راہ راست پر لانے کے لئے ہدایت اور رہنمائی کے شعبے سے وابستہ ادارے کے حوالے کیا گیا ہے۔ منحرف فرقے کے سرغنے سادہ لوح عوام کو غلط عقائد اور افکار کے ذریعے فریب دینے اور خاندان کا نظام برباد کرنے میں ملوث ہیں۔
بیان میں عوام کو آگاہ کیا گیا ہے کہ ان گمراہ فرقوں کی جال میں پھنسنے کے بجائے حقیقی اسلام کی تعلیمات سے روشنائی اور اپنی زندگی سنوارنے کے لئے علمائے حق سے رجوع کریں۔ اس طرح کے گمراہ فرقوں اور ان کی مشکوک سرگرمیوں کے بارے میں خبر ملے تو قانون نافذ کرنے والے اداروں کا فورا اطلاع دیں۔