چابہار ہاؤسنگ اتھارٹی کی عمارت میں دھماکہ، جیش العدل نے ذمہ داری قبول کی

مہر خبررساں ایجنسی کی رپورٹ کے مطابق، ایران کے صوبہ سیستان و بلوچستان کے علاقے چابہار میں ہاؤسنگ اتھارٹی کی بلڈنگ میں بم  دھماکہ ہوا۔ زاہدان کے پبلک پراسیکیوٹر کے مطابق 

یہ واقعہ صبح 10:30 بجے پیش آیا جس کے نتیجے میں عمارت کے کچھ حصے تباہ ہوگئے تاہم ابھی تک کسی  جانی نقصان کی اطلاع نہیں ملی۔

سیکورٹی ایجنسیاں اس واقعہ کی تحقیقات کر رہی ہیں اور اس وقت چابہار شہر میں حفاظتی انتظامات کئے گئے ہیں۔ 

ادھر دہشت گرد گروہ جیش العدل نے ایک بیان جاری کرکے اس دھماکے کی ذمہ داری قبول کی ہے۔  

سیستان و بلوچستان کی اسلامی انقلاب ہاؤسنگ اتھارٹی کے ڈائریکٹر جنرل نے مہر نامہ نگار کو بتایا کہ آج صبح نامعلوم مسلح افراد نے چابہار ہاؤسنگ اتھارٹی کی عمارت پر حملہ کرکے ملازمین اور شہریوں کو نکالا اور بلڈنگ کو دھماکہ خیز مواد سے اڑا دیا تاہم کوئی جانی نقصان نہیں ہوا۔

دھماکے کے بعد شہر میں سکیورٹی ہائی الرٹ کر دی گئی ہے اور علاقے میں حالات معمول پر آگئے ہیں۔