مہر خبر رساں ایجنسی نے اسکائی نیوز کے حوالے سے بتایا ہے کہ سکاٹ لینڈ کی حکومت نے اعلان کیا ہے کہ جب تک غزہ کے تنازع میں "امن کی طرف حقیقی پیش رفت" نہیں ہو جاتی تب تک وہ صہیونی سفیروں کے ساتھ ملاقاتیں نہیں کرے گی۔
یہ اقدام ایس این پی انتظامیہ کو اس ماہ کے شروع میں خارجہ امور کے سکریٹری اینگس رابرٹسن اور برطانیہ میں اسرائیل کے نائب سفیر ڈینیلا گرڈسکی کے درمیان ہونے والی ملاقات پر تنقید کا سامنا کرنے کے بعد کرنا پڑا۔
پیر کو ایک بیان میں رابرٹسن نے معذرت کرتے ہوئے کہا کہ یہ ملاقات اسرائیلی حکومت اور حماس کے تنازعے میں جنگ بندی کے بارے میں بات چیت تک "محدود" نہیں تھی۔
انہوں نے دعویٰ کیا کہ نئے سفیر سے ملاقات اسرائیلی حکومت کی درخواست پر کی گئی تھی، جس نے سکاٹش حکومت کو "غزہ میں فوری جنگ بندی کی ضرورت پر اپنے واضح اور غیر متزلزل موقف" کا اظہار کرنے کا موقع فراہم کیا۔
رابرٹسن نے مزید کہا: اس ملاقات کا مقصد غزہ میں اسرائیلی حکومت کے اقدامات کو جائز قرار دینا ہرگز نہیں تھا۔