مہر خبررساں ایجنسی کی رپورٹ کے مطابق، ایران کی دارالحکومت تہران میں حماس کے سیاسی دفتر کے سربراہ شہید اسماعیل ہنیہ کے قتل کے خلاف فلسطین اسکوائر پر بدھ کی شام ایک عوامی ریلی نکالی گئی۔
اس اجتماع میں تہران کے لوگوں نے حماس کے سیاسی بیورو کے سربراہ کو شہید کرنے کے صیہونیوں کے گھناؤنے اور بزدلانہ اقدام کے خلاف زبردست احتجاج کیا اور اسماعیل ہنیہ کی شہادت پرانسانی حقوق کے دعویدار، مغرب ممالک کی دوہری پالیسیوں اور خاموشی کے خلاف اپنے احتجاج کا اظہار کیا۔
فلسطین اسکوائر پر مظاہرین نے " اسرائیل مردہ باد " اور " امریکہ مردہ باد " کے نعرے لگاتے ہوئے شہید اسماعیل ہنیہ کو دہشتگردانہ حملے کے ذریعے شہید کئے جانے پر اپنے غم و غصہ کا اظہار کرتے ہوئے اقوام متحدہ سے اسرائیل کے خلاف کاروائی کئے جانے کا مطالبہ کیا۔