مہر خبررساں ایجنسی کے مطابق، واشنگٹن پوسٹ نے انکشاف کیا ہے کہ صہیونی حکومت غزہ کے جنوبی علاقے رفح میں فوجی کاروائیاں جلد روکنے کا فیصلہ کرچکی ہے۔
اخبار کے مطابق صہیونی باخبر ذرائع نے نام ظاہر نہ کرنے کی شرط پر بتایا ہے کہ اسرائیلی فوج کئے ہفتے آپریشن کے بعد رفح سے انخلاء کرے گی۔
اس سے پہلے مبصرین خیال ظاہر کررہے تھے کہ رفح میں اسرائیل کئی مہینے آپریشن جاری رکھ سکتا ہے تاہم اچانک صہیونی حکومت کی حکمت عملی بدل گئی اور طویل مدت کاروائی ختم کرکے فوجی انخلاء کا فیصلہ کیا گیا ہے البتہ صہیونی فوج رفح میں مختصر اور محدود پیمانے پر کاروائیاں جاری رکھیں گی۔
طوفان الاقصی کے بعد صہیونی فوج نے غزہ کے مختلف علاقوں پر فضائی اور زمینی حملہ کرتے ہوئے 37 ہزار سے زائد فلسطینیوں کو شہید اور 85 ہزار سے زائد کو زخمی کردیا ہے۔
شہید اور زخمی ہونے والوں میں بے گناہ خواتین اور معصوم بچوں کی بھی بڑی تعداد شامل ہے۔