مہر خبررساں ایجنسی کے مطابق، ایرانی صدارتی انتخابات میں آج چوتھے دن بھی کاغذات نامزدگی جمع کرانے کا سلسلہ جاری ہے۔
اتوار کے دن صبح 8 بجے وزارت داخلہ میں قائم الیکشن کمیشن کے دفتر میں انتخابات میں شرکت کے خواہشمند افراد کاغذات نامزدگی جمع کروانے آرہے ہیں۔
الیکشن کمیشن کے مطابق ابتدائی تین دنوں کے دوران مجموعی طور پر 80 افراد نے کاغذات جمع کروائے ہیں جن میں سے 72 مرد اور 8 خواتین ہیں۔
الیکشن کمیشن کے مطابق 17 افراد کے علاوہ باقی کے کاغذات نامکمل ہونے کی وجہ سے مسترد ہوگئے ہیں۔