مہر خبررساں ایجنسی کی رپورٹ کے مطابق، شہید صدر آیت اللہ سید ابراہیم رئیسی اور ان کے رفقاء کی شہادت کے بعد ایرانی عوام مختلف شہروں میں عوامی مقامات پر جمع ہوکر سوگ منارہے ہیں۔
دارالحکومت تہران کے ولی عصر اسکوائر پر عوام کا جم غفیر شہید صدر رئیسی اور ان کے ساتھی شہداء کا سوگ منانے کے لیے جمع ہوئے ہیں۔
مشہد میں عوام کی بڑی تعداد بسیج اسکوائر پر جمع ہوکر کل کے حادثے میں شہید ہونے والوں کا سوگ منارہے ہیں۔
یاد رہے شہید صدر رئیسی اور ان ساتھیوں کو مشرقی آذربائجان کے سرحدی علاقے سے واپسی کے دوران حادثہ پیش آیا تھا۔ حادثے کی وجہ سے ہیلی کاپٹر میں سوار تمام افراد شہید ہوگئے ہیں۔