اقوام متحدہ نے غزہ کی سنگین صورتحال کے بارے میں خبردار کرتے ہوئے صیہونی حکومت کے گزشتہ سات دنوں کے حملوں میں دو ہزار سے زائد فلسطینی بچوں کے شہید اور زخمی ہونے کی خبر دی ہے۔

مہر خبررساں ایجنسی نے فلسطینی ذرائع ابلاغ کے حوالے سے بتایا ہے کہ اقوام متحدہ نے اعلان کیا ہے کہ صیہونی حکومت کے حملوں میں غزہ کے 2 ہزار بچے شہید یا زخمی ہوئے ہیں۔

لہٰذا غزہ میں شہید ہونے والے بچوں کی تعداد 500 سے زائد ہو گئی ہے اور یہ تعداد صیہونیوں کے وحشیانہ حملوں کے تسلسل کے ساتھ تیزی سے بڑھ رہی ہے۔

اقوام متحدہ نے یہ بھی اعلان کیا کہ جنگ الاقصیٰ کے آغاز سے اب تک غزہ پر اسرائیلی جنگجوؤں کے حملوں میں اس پٹی کی 1300 سے زائد عمارتیں مکمل طور پر تباہ ہو چکی ہیں۔

ادھر الجزیرہ کے رپورٹر نے بتایا ہے کہ غزہ کی پٹی کے وسط میں دیر البلاح کے مشرق میں ایک مکان پر صیہونی طیاروں کے حملے میں متعدد فلسطینی شہید اور زخمی ہوئے۔

حالیہ دنوں میں فلسطینی مزاحمتی فورسز کی الاقصیٰ طوفان کارروائی کے ذریعے صیہونی رجیم کی ذلت آمیر سیکورٹی اور انٹیلی جنس شکست  کے جواب میں صیہونی رجیم نے غزہ کی پٹی کے رہائشی اور اہم انفراسٹرکچر کو انتہائی طاقتور میزائلوں اور جدید بموں سے وحشیانہ حملوں سے نشانہ بنایا ہے۔