مہر خبررساں ایجنسی کی رپورٹ کے مطابق، ایرانی حکومت کے شعبہ اطلاعات کے سربراہ سپہر خلجی نے سماجی رابطے کی ویب سائٹ پر کہا ہے کہ موجودہ عوامی حکومت کی ایک بڑی کامیابی یہ ہے کہ عوام کے اندر موجود ناامیدی کو ختم کرکے کچھ کر دکھانے کی امید اور حوصلے کو زندہ کیا ہے۔
ٹویئٹر پر اپنے بیان میں انہوں نے مزید لکھا ہے کہ رواں سال دس بڑے فضائی منصوبوں پر کام جاری ہے۔ اس سلسلے میں پارس1، طلوع4 اور ظفر2 سیٹلائٹ کو تیار کیا گیا ہے اور مستقبل قریب میں لانچ کیا جائے گا۔