مہر خبررساں ایجنسی کی رپورٹ کے مطابق، ایرانی صدر آیت اللہ سید ابراہیم رئیسی پیر کی صبح جنوب مغربی ایران میں آبادان ریفائنری کے ترقیاتی منصوبے کے دوسرے فیز کا افتتاح کرنے کے لیے آبادان پہنچ گئے تھے۔
ترقیاتی منصوبے میں تقریباً 1.2 بلین ڈالر کی سرمایہ کاری کی گئی ہے جس میں 210,000 bpd گنجائش ایران کی ریفائنری کی صلاحیت میں شامل کی جائے گی۔
آبادان ریفائنری کے دوسرے فیز کے آپریشنل ہونے سے پٹرول کی پیداوار 10 ملین لیٹر یومیہ سے بڑھ کر 14 ملین لیٹر یومیہ ہو جائے گی اور گیس آئل کی پیداوار 16 ملین لیٹر یومیہ سے بڑھ کر 20 ملین لیٹر ہو جائے گی۔
ریفائنری کے دوسرے مرحلے میں 1.2 بلین ڈالر کی سرمایہ کاری سے HPU ہائیڈروجن پروڈکشن یونٹس، HCU ہائیڈرو کریکر، LPG مائع گیس، کروڈ آئل ڈسٹلیشن یونٹ اور CDU/VDU ویکیوم ڈسٹلیشن یونٹ اور یوٹیلیٹی یونٹس اور ذیلی سہولیات تعمیر کی گئی ہیں۔
ریفائنری کے دوسرے مرحلے میں بیان کردہ پیوریفیکیشن یونٹس اس ریفائنری کی تیار کردہ مصنوعات کے معیار کو بہتر کرکے یورو 5 تک لے جائیں گے۔
آبادان ریفائنری کے دوسرے مرحلے کی تعریف 210,000 بیرل یومیہ کی گنجائش کے ساتھ کی گئی ہے، اس چھوٹی ریفائنری کے حتمی استفادہ کے ساتھ اس کی پیداواری صلاحیت میں بھی اضافہ ہوگا۔
واضح رہے کہ اس منصوبہ پر غیر قانونی پابندیوں کے باوجود اور داخلی صلاحیت پر بھروسہ کرتے ہوئے کام شروع کیا گیا اور اس مرحلے کی تعمیر کے آغاز سے ہی سات ہزار چار سو افراد کے لیے روزگار کے مواقع فراہم کیے گئے اور ان حالات سے فائدہ اٹھاتے ہوئے 300 افراد کو روزگار فراہم کیا گیا۔
آبادان آئل ریفائنری ایران کی سب سے بڑی ریفائنریوں میں سے ایک ہے جو مائع گیس، موٹر پٹرول، مٹی کا تیل، گیس کا تیل، جیٹ فیول، ہیٹنگ آئل، مختلف قسم کے بیس انجن آئل، بٹومین، مختلف پیٹرولیم سالوینٹس، سلفر اور دیگر مصنوعات تیار کرتی ہے اور نیفتھا (بندرامام پیٹرو کیمیکل) بھی پیدا کرتی ہے۔