مہر خبررساں ایجنسی کی رپورٹ کے مطابق قزاقستان کے صدرقاسم ژامرت تاکیف ایرانی صدر سید ابراہیم رئیسی کی سرکاری دعوت پر ایک اعلی وفد کے ہمراہ تہران کے دورے پر ہیں۔ ایران کے صدر سید ابراہیم رئیسی نے سعد آباد صدارتی محل میں قزاقستان کے صدر کا باقاعدہ استقبال کیا۔
دونوں ممالک کے صدور نے مشترکہ پریس کانفرنس سے خطاب کرتے ہوئے باہمی تعلقات کو مزید فروغ دینے کے عزم کا اظہار کیا۔ ایرانی صدر نے اس موقع پر کہا کہ وہ قزاقستان کا عنقریب دورہ کریں گے۔ ایران کے صدر سید ابراہیم رئیسی اور قزاقستان کے صدر قاسم ژامرت توکایف کی موجودگي میں ایران اور قزآقستان کے اعلی حکام نے اقتصاد ، صنعت، تجارت ، حمل و نقل ، زراعت اور ثقافت کے شعبوں باہمی تعاون کی 9 دستاویزات پر دستخط کئے ہیں۔