آسٹریلیا میں شدید بارشوں اور سیلاب سے 17 افراد ہلاک

مہر خبررساں ایجنسی نے غیر ملکی ذرائع کے حوالے سے نقل کیا ہے کہ آسٹریلیا میں شدید بارشوں اور سیلاب نے تباہی مچادی ہے، ہلاکتوں کی تعداد 17 ہوگئی۔ ریاست کوئنز لینڈ اور نیو ساؤتھ ویلز میں ایک ہفتے کے دوران مختلف حادثات ہوئے تھے۔  سڈنی میں آج مزید بارش کی پیش گوئی کی گئی ہے۔ ادھر آسٹریلوی محکمہ موسمیات کے مطابق نئے موسمی سسٹم سے مزید بارشوں کا امکان ہے، جس سے سیلاب کا بھی خطرہ ہے۔