مہر خبررساں ایجنسی کی رپورٹ کے مطابق، اسلامی جمہوریہ ایران اور جاپان کے وزرائے خارجہ عباس عراقچی اور ٹیک شی ایویا نے ایک ٹیلی فونک گفتگو کے دوران دوطرفہ تعلقات سمیت علاقائی اور بین الاقوامی امور پر تبادلہ خیال کیا۔
اس موقع پر ایرانی وزیر خارجہ نے اپنے جاپانی ہم منصب کی جانب سے عید نوروز کی مبارکباد دینے پر ان کا شکریہ ادا کرتے ہوئے تہران اور ٹوکیو کے درمیان دوستانہ تعلقات کے استحکام پر زور دیا۔
دونوں وزرائے خارجہ نے علاقائی اور بین الاقوامی مسائل کے حل کے لئے سفارت کاری کو برائے کار لانے پر زور دیا۔
فریقین نے ایران کی پرامن ایٹمی سرگرمیوں کے حوالے سے بات چیت کو آگے بڑھانے پر اتفاق کیا۔
دونوں اعلی سفارتکاروں نے ایران اور جاپان کے درمیان مختلف شعبوں میں تعاون بڑھانے پر بھی اتفاق کیا۔