مہر خبررساں ایجنسی نے المیادین کے حوالے سے بتایا ہے کہ حماس کے عسکری ونگ القسام بریگیڈ نے آگاہ کیا ہے کہ مجاہدین نے بیت لاہیا میں طیبہ مسجد کے قریب ایک گھر کے اندر چھپے 10 صیہونی فوجیوں کو ہلاک کردیا۔
القسام نے قابض رجیم کے ایک "مرکاوا 4" ٹینک کو بھی بیت لاہیا کی شاہراہ "الحطیبہ" میں یاسین 105 اینٹی آرمر راکٹ سے نشانہ بنایا۔
ادھر مزاحمتی گروہ "عمر القاسم" نے بھی غزہ کے علاقے "حجر الدیک" میں قابض فوج کو مارٹر گولوں سے نشانہ بنایا۔
دوسری طرف غزہ کے جنوبی شہر رفح کے علاقے مصبح میں اسرائیلی فضائی حملے میں چار فلسطینی شہید اور متعدد زخمی ہو گئے، جس کے ردعمل میں مجاہدین نے جوابی حملے کئے اور دشمن کو کاری ضرب لگائی۔