مہر نیوز کے مطابق ایران کی سپاہ پاسداران انقلاب اسلامی کے کمانڈر میجر جنرل حسین سلامی نے تہران میں عالمی استکبار کے خلاف جدوجہد کے قومی دن اور یوم طلبہ کے موقع پر عوام کے اجتماع سے خطاب کرتے ہوئے کہا کہ امریکہ اور اسرائیلہ اپنے خاتمے کے قریب پہنچ چکے ہیں۔
انہوں نے واشنگٹن اور تل ابیب کو خبردار کیا کہ مزاحمتی فورسز مناسب وقت پر انہیں سخت جواب دیں گی۔
انہوں نے کہا کہ غزہ اور لبنان میں ہونے والے المناک واقعات سے امریکی انسانی حقوق کی حقیقت برملا ہوئی ہے۔
جنرل سلامی نے کہا کہ امریکہ دنیا بھر میں سیاسی اور فوجی انتشار کی بنیادی وجہ ہے جب کہ وہ نہایت بے شرمی سے جمہوریت اور آزادی کے بلند و بانگ دعوے کرتے نہیں تھکتا۔
واضح رہے کہ رہبر معظم انقلاب حضرت آیت اللہ العظمی سید علی خامنہ ای نے ہفتے کو اپنے ایک بیان میں کہا کہ امریکہ اور اسرائیلی حکومت کو ایران پر حالیہ فضائی جارحیت کا منہ توڑ جواب دیا جائے گا۔