مہر نیوز کے مطابق، اسپین، آئرلینڈ اور ناروے آج باضابطہ طور پر فلسطینی ریاست کو تسلیم کرتے ہوئے ان 144 ممالک میں شامل ہو جائیں گے جو پہلے ہی فلسطین کو آزاد ریاست کے طور پر تسلیم کر چکے ہیں۔
توقع ہے کہ آئرلینڈ کی کابینہ آج پارلیمنٹ میں کئی گھنٹے کی بحث کے بعد اس فیصلے کی توثیق کر دے گی۔
وزیر اعظم پیڈرو سانچیز، مونکلوا پیلس میں فلسطینی ریاست کو تسلیم کرنے کے حوالے سے اظہار خیال کر رہے ہیں۔
الجزیرہ کی خبر کے مطابق، انہوں نے کہا، "فلسطین کی ریاست کو تسلیم کرنا نہ صرف تاریخی انصاف کا معاملہ ہے، بلکہ ہم سب کا مقصد امن قائم کرنا ہے۔"
اسپین کے وزیر اعظم سانچیز نے ایک متحد اور جغرافیائی طور پر منسلک فلسطین کے لیے ملک کے وژن پر زور دیا۔
سانچیز نے کہا کہ ریاست فلسطین کو قابل عمل ہونا چاہیے، جس میں مغربی کنارے اور غزہ ایک راہداری سے منسلک ہوں اور مشرقی بیت المقدس اس کا دارالحکومت ہو۔