مہر خبررساں ایجنسی نے فلسطینی ذرائع ابلاغ کے حوالے سے کہا ہے کہ امریکی خاموش حمایت کے تحت اسرائیلی فورسز نے غزہ کے جنوب میں واقع رفح شہر پر حملوں کو تیز کردیا ہے۔
رفح کے مشرقی علاقوں میں صہیونی فورسز نے رہائشی مکانات پر حملہ کرکے متعدد گھروں کو تباہ کردیا ہے۔
الجزیرہ نے کہا ہے کہ صہیونی فورسز نے جمعہ کو علی الصبح رفح کے مشرق میں کئی رہائشی عمارتوں کو منہدم کردیا ہے۔ علاوہ ازین غزہ کے صبرا اور زیتون نامی قصبوں پر بھی گولہ باری کی گئی ہے۔
رفح سے ہی موصولہ اطلاعات کے مطابق حملہ آور صہیونی فورسز اور فلسطینی مجاہدین کے درمیان کئی مقامات پر تصادم کے واقعات پیش آئے ہیں۔