مہر خبررساں ایجنسی نے الحدث کے حوالے سے کہا ہے کہ صہیونی جنگی طیاروں نے شام کے دارالحکومت دمشق کے نواحی علاقے میں رہائشی مکانات پر بمباری کی ہے۔
تفصیلات کے مطابق دمشق ائیرپورٹ کے جنوب مغرب میں واقع علاقے میں صہیونی طیاروں نے حملہ کیا۔
صہیونی حملے کے نتیجے میں کئی افراد زخمی ہوگئے ہیں۔
یاد رہے کہ اسرائیلی کی جانب سے شام اور لبنان کی فضائی حدود کی خلاف ورزی روزانہ کا معمول بن گیا ہے۔ صہیونی فوج نے دمشق میں ایرانی سفارتخانے پر حملہ کرکے سات فوجی مشیروں کو شہید کردیا تھا۔
ایران نے اپنے حق دفاع کے تحت اسرائیل کے خلاف جوابی کاروائی کرتے ہوئے فوجی مراکز اور دفاعی تنصیبات پر ڈرون اور میزائل حملے کئے تھے۔