مہر خبررساں ایجنسی کی رپورٹ کے مطابق، پاکستان میں تعینات ایرانی سفیر سید محمد علی حسینی نے سماجی رابطے کی ویب سائٹ ٹوئٹر پر ایک پیغام میں پاکستانی قوم کو مبارکباد دیتے ہوئے کہا ہے کہ اس خوبصورت اور تازگی بخش موسم بہار کے آغاز پر، ایران کی حکومت اور عظیم عوام کی جانب سے، میں اس موقع سے فائدہ اٹھانا چاہتا ہوں کہ یوم پاکستان کے پرمسرت موقع پر پاکستان کی حکومت اور تمام معزز لوگوں کو دلی مبارکباد پیش کرتا ہوں۔
ایرانی سفیر کا کہنا تھا کہ پاکستان کی تاریخ سے یہ بات ثابت ہوتی ہے پاکستانی قوم اسلام سے گہرے جذبات رکھنے والی قوم ہے اور تاریخ نے ثابت کیا ایران کی پاکستان کے ساتھ گہری دوستی ہے۔
ایران سفیر نے لکھاکہ "پاک ایران دوستی پائندہ آباد تابندہ باد۔"