مہر خبررساں ایجنسی کی رپورٹ کے مطابق اسلامی جمہوریہ ایران کے وزیر خارجہ محمد جواد ظریف نے مشترکہ ایٹمی معاہدے کے سلسلے میں امریکی بد عہدی کے بارے میں روس کے وزیر خآرجہ لاوروف کے ساتھ ٹیلیفون پر گفتگو کی۔
روس اور ایران کے وزراء خارجہ نے اس گفتگو میں شام میں جنگ بندی اور شامی فوج کی حلب میں فتح کے بارے میں بھی تبادلہ خیال کیا۔ اس سے قبل ترکی کے وزیر خارجہ چاووش اوغلو نے بھی حلب کی تازہ ترین صورتحال کے بارے میں ایرانی وزیر خارجہ سے ٹیلیفون پر گفتگو اور تبادلہ خیال کیا تھا۔