موصل میں جاری آپرشن میں اب تک 900 داعش دہشت گرد ہلاک

مہر خبررساں ایجنسی نے الیوم السابع کے حوالے سے نقل کیا ہے کہ امریکی فوجی حکام کے مطابق عراق کے شہر موصل میں داعش کے خلاف جاری آپریشن میں اب تک 900 وہابی دہشت گرد ہلاک ہوگئے ہیں۔ عراق کے وزیر اعظم نے حیدر العبادی نے 17 اکتبور کو موصل کی آزادی کے سلسلے میں داعش کے خلاف فوجی آپریشن کا حکم دیا تھا فوجی آّریشن کے ابتدائی مراحل بڑے کامیاب رہے ہیں۔اس آپریشن کو 10 روز ہوچکے ہیں۔ موصل کے شہریوں کے مطابق داعشیوں نے اپنی داڑھیاں منڈھوا لی ہیں اور لباس بھی تبدیل کرلیے ہیں، وہ یقیناً خوفزدہ ہیں اور شاید وہ شہر سے فرار ہونے کے بارے میں سوچ رہے ہیں۔ذرائع کے مطابق وہابی دہشت گردوں نے موصل میں بڑے پیمانے پر عوام کا قتل عام کیا ہے موصل کے عام شہری داعش دہشت گردوں  سے نجات حاصل کرنے کے لئے عراقی فوجیوں کا انتظار کررہے ہیں۔