کراچی میں گرمی سے ہلاکتوں کی تعداد 1400 تک پہنچ گئی

مہر خبررساں ایجنسی نے ایکسپریس نیوزکےحوالے سے نقل کیا ہے کہ پاکستان کے شہر کراچی میں گرمی سے متاثرہ مزید 34 افراد دم توڑ گئے جس کے بعد گرمی سے  ہلاک  ہونے والے افراد کی مجموعی تعداد 1400 سے تجاوز کر گئی ہے۔ اطلاعات کے مطابق شہرکے سرکاری اور نجی اسپتالوں میں گزشتہ رات سے اب تک مزید 34 افراد دم توڑ گئے،  کراچی کے سب سے بڑے سرکاری اسپتال جناح اسپتال کے ذرائع کے مطابق گرمی سے متاثرہ 354 افراد اب تک اسپتال میں دم توڑ چکے ہیں۔ادھر محکمہ صحت کا کہنا ہے کہ گرمی سے اب تک ہلاک ہونے والے افراد کی مجموعی تعداد  ایک ہزار 186  ہوچکی ہے جب کہ دیگر ذرائع کے مطابق گرمی کی شدت سے ہلاک  ہونے والے افراد کی تعداد 1400 سے زائد ہے۔