مہر خبررساں ایجنسی نے ایکسپریس نیوز کے حوالے سے نقل کیا ہے کہ کراچی میں پولیس نے مختلف علاقوں میں کارروائی کرتے ہوئے دہشت گرد تنظیم کے 2 دہشت گردوں سمیت 10 افراد کو گرفتار کرکے ان کے قبضے سے خودکش جیکٹیں اور اسلحہ برآمد کرلیا ہے۔ اطلاعات کے مطابق کراچی پولیس نے مصدقہ اطلاعات پر سہراب گوٹھ میں کارروائی کرتے ہوئے 10 ملزمان کو گرفتارکرلیا، گرفتار ملزمان میں دہشت گرد تنظیم طالبان پاکستان کے 2 مبینہ دہشت گرد بھی شامل بھی ہیں، پولیس کا کہنا ہے کہ گرفتار کئے گئے ملزمان کے قبضے سے ایک خودکش جیکٹ، 2 کلاشنکوف اور4 پستول برآمد ہوئے ہیں۔
اجراء کی تاریخ: 28 جون 2015 - 13:11
پاکستان کے شہر کراچی میں پولیس نے مختلف علاقوں میں کارروائی کرتے ہوئے دہشت گرد تنظیم کے 2 دہشت گردوں سمیت 10 افراد کو گرفتار کرکے ان کے قبضے سے خودکش جیکٹیں اور اسلحہ برآمد کرلیا ہے۔