مہر خبررساں ایجنسی کے نمائندے کے مطابق، ہر سال کی طرح امسال بھی رامشیر سے تعلق رکھنے والی انجمن عشاق الحسین کا 300 افراد پر مشتمل کاروان ہاتھوں میں 70 پرچم لئے ہوئے کربلائے معلی کی جانب روانہ ہوگیا ہے۔
کاروان نے اپنی حرکت کا آغاز جمعرات کے روز رامشیر سے ماہشہر کی طرف کیا ہے۔ عشاق الحسین موکب کے سربراہ جواد غبیشاوی نے کہا کہ عشاق الحسین کا یہ کاروان کئی سالوں سے اربعین کے موقع پر کربلا جارہا ہے۔
انہوں نے کہا کہ ابتدائی سالوں میں فقط دو افراد مارچ میں شریک تھے۔ رفتہ رفتہ شرکاء اور پرچموں کی تعداد میں اضافہ ہوا ہے۔ اس سال دوسرے صوبوں سے بھی زیارت کے متمنی افراد نے ہم سے رابطہ کیا ہے۔ مومنین اپنے بچوں اور خاندان کے ساتھ جانا چاہتے ہیں۔
انہوں نے کہا کہ شلمچہ بارڈر پر کاروان کا خصوصی استقبال کیا جاتا ہے۔ کاروان کے ساتھ طبی عملہ بھی موجود ہے۔
غبیشاوی نے مہر نیوز کے نمائندے کو بتایا کہ خوزستان سے اربعین کے موقع پر کربلائے معلی کی طرف پیدل مارچ کرنے والا یہ پہلا کاروان ہے۔