لاہور میں بیکری میں آگ لگنے سے 5 افراد ہلاک

مہر خبررساں ایجنسی نے پاکستنای ذرائع کے حوالے سے نقل کیا ہے کہ پاکستان کے شہر لاہور کے علاقے برکت مارکیٹ میں واقع ایک بیکری میں آگ لگ گئی جس کے نتیجے میں 5افراد  ہلاک ہوگئے ہیں۔واقعے کی اطلاع ملتے ہی ریسکیو ادارے اور فائر بریگیڈ کا عملہ فوری طور پر آگ لگنے کی جگہ پہنچ گیا۔ ریسکیو ذرائع کے مطابق بیکری میں آگ لگنے کے باعث دھواں بھر گیا جس کے نتیجے میں اندر موجود 5 افراد دم گھٹنے سے جاں بحق ہوگئے۔ جاں بحق افراد کی لاشوں کو جناح اسپتال منتقل کردیا گیا ہے۔ جاں بحق ہونے والوں میں سے دو افراد کی شناخت شکیل اور طبیب کے نام سے ہوئی ہے۔