نیپال میں ایک بس حادثے میں کم ازکم 24افراد ہلاک

مہر خبررساں ایجنسی نے غیر ملکی ذرائع کے حوالے سے نقل کیا ہے کہ نیپال میں ایک بس حادثے میں کم ازکم 24افراد ہلاک ہوگئے جبکہ متعدد افراد زخمی بھی ہوئے ہیں۔ حکام کے مطابق مغربی نیپال میں یہ حادثہ اس وقت رونما ہوا جب مسافروں سے بھری ایک بس سڑک سے اتر گئی، بس میں 50مسافر سوار تھے۔
حکام نے اس حادثے کی وجہ بس میں گنجائش سے زائد مسافروں کے سوار ہونے کو قرار دیا ہے۔