مہر خبررساں ایجنسی کے نامہ نگار کی رپورٹ کے مطابق افغانستان کے صدر اشرف غنی ایک اعلی وفد کے ہمراہ تہران پہنچ گئے ہیں جہاں وہ ایران، ہندوستان اور افغانستان کے درمیان سہ فریقی اہم اقتصادی معاہدے پر دستخط کریں گے۔
اطلاعات کے مطابق بندر چابہار کی ٹرانزیٹ دستاویز پر ایران کے صدر حسن روحانی ، ہندوستان کے وزير اعظم نریندر مودی اور افغانستان کے صدر اشرف غنی کی موجودگی میں دستخط کئے جائیں گے۔ اشرف غنی کا اقتدار سنبھالنے کے بعد ایران کا یہ دوسرا دورہ ہے۔