مہر خبررساں ایجنسی نے جنگ کے حوالے سے نقل کیا ہے کہ پاکستان کے شہر کراچی میں عائشہ منزل کے قریب ٹریفک پولیس اہلکاروں پر فائرنگ کے باعث دو اہلکار ہلاک ہوگئے ہیں ۔ اطلاعات کے مطابق فائرنگ کا واقعہ عائشہ منزل پر پیش آیا جہاں پولیس اہلکار معمول کی ڈیوٹی انجام دے رہے تھے کہ موٹر سائیکل پر سوار دو مسلح افراد نے ان پر فائرنگ کر دی۔ فائرنگ کے نتیجے میں دونوں اہلکار شدید زخمی ہوگئے جنھیں عباسی شہید اسپتال منتقل کیا جا رہا تھا کہ دونوں اہلکار راستے میں ہی دم توڑ گئے ۔
واقعے کے فوری بعد پولیس اور رینجرز نے موقع پر پہنچ کر شواہد اکٹھے کرنا شروع کر دیئے ہیں۔
اجراء کی تاریخ: 21 مئی 2016 - 15:02
پاکستان کے شہر کراچی میں عائشہ منزل کے قریب ٹریفک پولیس اہلکاروں پر فائرنگ کے باعث دو اہلکار ہلاک ہوگئے ہیں ۔