ہلمند میں امریکی فضائیہ کے حملے میں 100 طالبان ہلاک

مہر خبررساں ایجنسی نے غیر ملکی ذرائع کے حوالے سے نقل کیا ہے کہ افغانستان کے صوبے ہلمند میں امریکی فضائیہ کی طالبان کے ٹھکانوں پر بمباری کے نتیجے میں 100 سے زائد طالبان ہلاک ہوگئےہیں۔اطلاعات کے مطابق افغانستان کے صوبے ہلمند میں امریکی فضائیہ نے طالبان کے ٹھکانوں پر بمباری کی جس کے نتیجے میں 100 سے زائد طالبان ہلاک جب کہ ان کے زیر استعمال متعدد ٹھکانے بھی تباہ ہوگئے۔ صوبائی حکومت کی جانب سے جاری بیان کے مطابق امریکی فضائیہ کے ساتھ کارروائی میں افان نیشنل آرمی نے بھی حصہ لیا جس میں دہشت گردوں کے اسکولوں میں بنائے گئے ٹھکانوں کو تباہ کیا گیا جہاں دہشت گرد حملوں کی منصوبہ بندی کرتے تھے اور بم دھماکوں کے لیے دھماکہ خیز مواد ذخیرہ کرتے تھے۔