کیمرون اور نائیجیریا کے فوجیوں نے 100 وہابی دہشت گردوں کو ہلاک کردیا

مہر خبررساں ایجنسی نے غیر ملکی ذرائع کے حوالے سے نقل کیا ہے کہ وسطی افریقی ملک کیمرون کی فوج نے نائیجیریا کے فوجیوں کے ساتھ مشترکہ آپریشن میں سینکڑوں مغویوں کو بازیاب کرا لیا اس دوران بوکو حرام کے 100 وہابی دہشت گردوں کو ہلاک کردیا ہے۔ فوجی حکام کے مطابق تین دن تک جاری رہنے والے مشترکہ آپریشن میں فورسز نے سرحد کے قریب نائیجیریا کے شمال مشرقی علاقے کوماہی کا قبضہ بھی واگزار کروا لیا۔ آپریشن میں 2 فوجی ہلاک اور5 زخمی بھی ہوئے۔اس آپریشن سے متعلق آزاد ذرائع سے تصدیق نہیں ہو سکی ہے لیکن یہ ایک ایسے وقت کیا گیا ہے جب کہ امریکی سفارتکار نائیجیریا کے حکام کے ساتھ خطے میں امریکی افواج کی تعیناتی کے بارے میں صلاح و مشورہ کرنے میں مصروف ہیں۔