افغانستان میں ایک ٹرک سے ساڑھے 12ٹن بارود برآمد

مہر خبررساں ایجنسی نےافغان ذرائع کے حوالے سے نقل کیا ہے کہ افغانستان کے علاقہ کتیامیں افغان خفیہ ایجنسی نے کارروائی کرتے ہوئےایک ٹرک سے ساڑھے 12ٹن بارود برآمد کر لیا ہے۔اطلاعات کے مطابق افغان خفیہ ایجنسی کی کارروائی کے دوران ٹرک سے بھاری مقدار میں گولہ بارود برآمد کیا گیا ہے جسے ٹرک میں موجود لکڑیوں کے نیچے چھپایا گیا تھا ۔افغان خفیہ ایجنسی نے اطلاع پر ٹرک کو روکا جس میں لکڑیاں بھری ہوئی تھیں تاہم مزید تلاشی لینے پر لکڑیوں کے نیچے چھپایا گیا 12ٹن بارود بھی برآمد ہوا جسے تحویل میں لیکر ٹرک ڈرائیور کیخلاف مقدمہ درج کر لیا گیا ہے۔ ڈرائیورکو گرفتار کر کے مزید تفتیش کی جارہی ہے ۔