پیرس حملوں کے ماسٹر مائنڈ کی ہلاکت کی تصدیق

مہر خبررساں ایجنسی نے رائٹرز کے حوالے سے نقل کیا ہے کہ فرانسیسی حکام نے گزشتہ رات سینٹ ڈینس میں آپریشن کے دوران  پیرس حملوں کے ماسٹر مائنڈ عبدالحمید اباعود کے مارے جانے کی تصدیق کردی ہے۔ فرانسیسی حکام نے پیرس حملوں کے ماسٹر کی ہلاکت کی تصدیق کرتے ہوئے کہا کہ عبدالحامد اباعود گزشتہ رات سینٹ ڈینس آپریشن کے دوران ہلاک ہوگیا تھا جس کی تصدیق ڈی این اے ٹیسٹ سے بھی کرلی گئی ہے۔ حکام کے مطابق گزشتہ رات 7 گھنٹے تک جاری رہنے والے آپریشن کے دوران 2 افراد ہلاک ہوئے جن میں سے 2 کی شناخت فوری کرلی گئی تاہم تیسرے فرد کی شناخت آج ڈی این اے کی مدد سے کی گئی جس سے ثابت ہوگیا کہ ہلاک ہونے والا تیسرا شخص حملوں کا ماسٹر مائنڈ عبدالحمید اباعود ہی ہے۔ واضح رہے کہ 13 نومبر کو پیرس میں ہونے والے حملوں میں 160 افراد ہلاک ہوئے تھے جس کے بعد ملک بھر میں ہنگامی حالت کا نفاذ کرکے سرچ آپریشن شروع کیا گیا تھا۔