کراچی میں پانی کی ٹنکی سے 4 افراد کی ایک ماہ پرانی لاشیں برآمد

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے شہر کراچی میں سپرہائی وے پر ایدھی ولیج کے قریب 4 افراد کی تشدد زدہ لاشیں برآمد ہوئیں ہیں جنہیں قریبی اسپتال منتقل کردیا گیا ہے۔ سپرہائی وے پر ایدھی ولیج کے قریب خالی پلاٹ میں تعفن کے باعث علاقہ مکینوں کی اطلاع پر پولیس نے پلاٹ میں بنائی گئی پانی کی ٹنکی سے 4 افراد کی لاشیں برآمد کرلیں۔ پولیس کا کہنا ہے کہ چاروں افراد کی عمریں 30 سال کے قریب ہیں اور انہیں فائرنگ کرکے قتل کیا گیا ہے ۔ لاشیں کم از کم ایک ماہ پرانی ہیں جس کی وجہ سے ان کی ظاہری شناخت ممکن نہیں۔