پاکستان میں زلزلے سے اب تک 255 افراد جاں بحق، 1696 افراد زخمی

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان میں قدرتی آفات سے نمٹنے کے قومی ادارے این ڈی ایم اے کے مطابق زلزلے سے جاں بحق افراد کی تعداد 255 ہوگئی ہے جبکہ 1696 افراد زخمی ہیں۔ این ڈی ایم اے حکام کی جانب سے جاری کئے گئے اعداد و شمار کے مطابق زلزلے سے تباہ ہونے والےگھروں کی تعداد 9 ہزار209 ہے۔ فاٹامیں زلزلے سے 30 افرادجاں بحق، 59 زخمی، 300 گھر تباہ ہوئے۔ اعداد وشمار کے مطابق خیبرپختونخوا میں 8ہزار453 گھر تباہ ہوئے، گلگت بلتستان میں 10افرادجاں بحق اور 30 زخمی اور390 گھر تباہ ہوئے۔
پنجاب میں زلزلےسے5 افراد جاں بحق،78 زخمی اور 60 گھرتباہ ہوئے۔