مہر خبررساں ایجنسی نے پاکستانی میڈیا کے حوالے سے نقل کیا ہے کہ پاکستانی صدر عارف علوی نے انوار الحق کاکڑ سے نگراں وزیرِ اعظم کےعہدے کا حلف لیا۔ نگراں وزیرِ اعظم انوار الحق کاکڑ کی تقریب حلف برداری ایوان صدر میں ہوئی۔
تقریب حلف برداری میں وزیرِ اعظم شہباز شریف، اسپیکر قومی اسمبلی راجا پرویز اشرف اور گورنر پنجاب بلیغ الرحمٰن شریک ہوئے۔
تقریب حلف برداری میں پی ٹی آئی سینیٹر شہزاد وسیم بھی شریک ہوئے۔
گورنر سندھ کامران ٹیسوری اور نگراں وزیر اعلیٰ پنجاب محسن نقوی بھی تقریب میں شریک ہوئے۔