ڈونلڈ ٹرمپ اور کم جونگ اون کی ملاقات وقت پر ہوگی

مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکی صدرڈونلڈ ٹرمپ نےکہا ہے کہ شمالی کوریا کے سربراہ کم جونگ اون سے ملاقات وقت پرہوگی۔ امریکی صدرڈونلڈ ٹرمپ نے وائٹ ہاؤس میں شمالی کوریا کے ایک اعلیٰ مندوب کم یونگ چول سے ملاقات کے بعد اعلان کیا ہے کہ شمالی کوریا کے سربراہ کم جون ان سے 12 جون کوطے شدہ ملاقات اپنے وقت پرسنگاپورمیں ہی ہوگی اوراس حوالے سے سب کچھ طریقے سے طے پا گیا ہے۔ امریکی صدرنے کہا کہ ملاقات میں شمالی کوریا کی جنگ کے باضابطہ خاتمے پربات ہوسکتی ہے جب کہ ضروری نہیں کہ شمالی کوریا کے متنازع ایٹمی پروگرام پرحتمی معاہدہ طے پا جائے بلکہ اہم یہ ہے کہ تعلقات مزید بہترہوجائیں گے۔ اس سے قبل امریکی صدر نے ملاقات منسوخ کرنے کی دھمکی دی تھی۔