اسرائیلی فوج کے سیزفائر کے باوجود غزہ پر حملے جاری

مہر خبررساں ایجنسی نے فلسطین اطلاع رسانی سینٹر کے حوالے سے نقل کیا ہے کہ اسرائیلی فوج کے سیز فائر کے باوجود فلسطین کے علاقے غزہ کی پٹی پر وسیع پیمانے پر فضائی اور زمینی حملے جاری ہیں۔ اطلاعات کے مطابق اسرائیلی جنگی طیاروں کی غزہ پر بمباری اسرائیلی ڈرون طیاروں نے الادار المدینہ نامی علاقے پر 3اور حماس کی مسلح الغسام بریگیڈ کے مختلف ٹھکانوں پر 2 میزائل داغے۔ علاوہ ازیں اسرائیلی فضائیہ نے مشرقی غزہ کے محلے الزیتون سے ملحقہ زرعی اراضی کو بھی نشانہ بنایا جب کہ عینی شاہدین کے بیانات اور اسرائیلی فوج نے ان حملوں کی تصدیق کر دی ہے۔ادھر ذرائع ابلاغ کے مطابق فلسطینی تنظیم حماس کے ایک اہم رہنما نے اسرائیل کے ساتھ فائر بندی معاہدہ طے پانے کی تصدیق کی ہے۔ غزہ میں حماس کے نائب سربراہ خلیل الحیہ نے کہا ہے کہ گزشتہ کئی گھنٹوں کے دوران متعدد ثالثوں کی کوششوں کے بعد فائر بندی پر اتفاق ہو گیا ہے۔جبکہ اسرائیلی انٹیلیجنس وزیر نے غزہ فائر بندی معاہدے کی خبروں کو رد کیا ہے۔ فلسطین اور اسرائیل کے مابین آج کل کشیدگی اپنے عروج پر ہے۔