مہر خبررساں ایجنسی نے رائٹرز کے حوالے سے نقل کیا ہے کہ امریکی صدر اور شمالی کوریا کے صدر کی ملاقات سے قبل امریکی حکام کا وفد شمالی کوریا کے حکام سے ملاقات کرنے کے لیے شمالی کوریا پہنچ گیا۔ امریکی صدر ڈونلڈ ٹرمپ نے امریکی وفد کے شمالی کوریا پہنچنے کی تصدیق کی ہے۔
یہ امریکی وفد شمالی کوریا ئی حکام سے سنگاپور ملاقات کی تیاریوں سے متعلق بات چیت کرے گا۔ امریکہ کی طرف سے جنوبی کوریا کے سابق امریکی سفیر اور شمالی کوریا سے جوہری مذاکرات کرنے والے امریکی مذاکرات کار سنگاپور سمٹ کی تیاریاں کر رہے ہیں۔امریکی صدر ڈونلڈ ٹرمپ اور شمالی کوریا کے سربراہ کم جونگ ان کی ممکنہ ملاقات آئندہ ماہ 12جون کو ہونی ہے۔