بیجنگ میں چاقو کے حملے میں ایک خاتون ہلاک اور 12 افراد زخمی

مہر خبررساں ایجنسی نے غیر ملکی ذرائع کے حوالے سے نقل کیا ہے کہ چین کے دارالحکومت  بیجنگ میں ایک شخص نےچاقو سے  حملہ کرکے ایک خاتون کو ہلاک اور 12 افراد کو زخمی کردیا۔پولیس کے مطابق ایک شخص نے بیجنگ کے جوئے سٹی مال میں چاقو سے حملہ کیا،چاقو حملے میں زخمی ہونے والے 13 افراد کو فوری طور پر اسپتال منتقل کیاگیا ،زخمیوں میں تین مرد اور 10 خواتین شامل تھیں ۔زخمی خواتین میں سے ایک خاتون دوران علاج دم توڑ گئیں۔ حملہ آور کو پولیس نے حراست میں لے لیا ہے،جس کی شناخت 30 سالہ چینی شہری زو کے نام سے ہوئی ہے ۔