لندن میں گرینفل ٹاور میں آگ لگنے سے 12افراد ہلاک اور 70 سے زائد زخمی

مہر خبررساں ایجنسی نے رائٹرز کے حوالے سے نقل کیا ہے کہ برطانیہ کے دارالحکومت لندن میں 24 منزلہ رہائشی عمارت میں آگ لگنے سے 12افراد ہلاک اور 70 سے زائد زخمی ہوگئے جبکہ متعدد افراد لاپتہ ہیں۔ افائر بریگیڈ حکام کے مطابق آگ پر مکمل قابو پانے میں مزید چوبیس گھنٹے لگ سکتے ہیں۔لندن کا چوبیس منزلہ گرینفل ٹاور منگل کی رات آگ کی زد میں آیا، دوسری منزل سے شروع ہونے والی آگ نے دیکھتے ہی دیکھتے پوری عمارت کو اپنی لپیٹ میں لے لیا، عمارت کی کھڑکیوں سے نکلتے شعلوں کے درمیان لوگ مدد کے لیے چیخ پکار کرتے رہے۔ فائر بریگیڈ کی چالیس گاڑیوں اور دو سو سے زائد فائر فائٹروں نے موقع پر پہنچ کر لوگوں کو باہر نکالا تاہم اب بھی متعدد افراد  لاپتہ ہیں  ان افراد کے عمارت میں ہونے کا خدشہ ہے، حادثے کے وقت عمارت کے ایک سو بیس فلیٹوں میں 600  سے زائد افراد موجود تھے۔