کابل میں سکیورٹی چیک پوسٹوں پر 2 خودکش حملوں کے نتیجے مں 16 افراد ہلاک

مہر خبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ افغانستان کے  دارالحکومت کابل میں سکیورٹی چیک پوسٹوں پر 2 خودکش حملوں کے نتیجے مں 16 افراد ہلاک اور درجنوں زخمی ہوگئے ہیں۔ اطلاعات کے مطابق کابل کے مغربی علاقے میں کار میں سوار خودکش بمبار نے پولیس چیک پوسٹ کے قریب گاڑی دھماکے سے اڑادی جس کے بعد وہاں موجود اہلکاروں اور دہشت گردوں کے درمیان کئی گھنٹے تک فائرنگ کا تبادلہ بھی ہوا جب کہ دوسرا حملہ کابل کے مغربی علاقے میں پیش آیا جہاں خودکش بمبار نے افغان انٹیلی جنس ایجنسی کی برانچ کے قریب خود کو دھماکے سے اڑالیا جب کہ دوسرے بمبار نے عمارت کے اندر گھسنے کی کوشش کی تو اسے وہیں گولیاں مار کر ہلاک کردیا گیا۔ دہشتگردی کے دونوں واقعات میں مجموعی طور پر اہلکاروں سمیت 16 افراد ہلاک اور درجنوں زخمی ہوگئے ہیں۔ حکام کے مطابق مغربی کابل میں پولیس چیک پوسٹ پر کار میں سوار خودکش بمبار نے خود کو دھماکے سےا ڑایا جس کے بعد دہشت گردوں  کے ساتھیوں اور پولیس کے درمیان فائرنگ کا تبادلہ 5 گھنٹے تک جاری رہا جب کہ  واقعے میں مجموعی طور پر 15 افراد ہلاک اور 43 زخمی ہوئے۔  حکام کا کہنا ہے کہ دوسرے خودکش حملے میں بمبار نے انٹیلی جنس دفتر میں جانے کی کوشش کی اور اس میں ناکامی پر اس نے خود کو دھماکے سے اڑالیا جس کے بعد اس کے ساتھی نے عمارت میں گھسنے نے کوشش کی تو اسے فائرنگ کر کے ہلاک کردیا گیا جب کہ کارروائی میں ایک شخص ہلاک اور ایک زخمی ہوا۔