برطانیہ میں طوفان کے نتیجے میں خاتون ہلاک

مہر خبررساں ایجنسی نے رائٹرز کے حوالے سے نقل کیا ہے کہ برطانیہ کے کئی شہرطوفانی ہواؤں اور بارش کی زد میں ہیں جبکہ طوفان ڈورِس کےباعث حادثے میں ایک خاتون ہلاک ہوگئی ہیں۔طوفانی ہواؤں سے کئی مقامات پر تن آور درخت جڑوں سے اکھڑ گئے، طیارےڈولنے لگے، مختلف حادثات میں ایک خاتون ہلاک اور متعدد افراد زخمی ہوگئے۔
پائلٹوں کو پروازوں کی لینڈنگ میں بھی سخت مشکلات کا سامنا کرنا پڑ ا۔ایمسٹرڈیم میں لینڈنگ کے وقت طیارے کا توازن قائم نہ رہنے سے ٹائر پھٹ گیاتاہم مسافر محفوظ رہے۔ تیز ہواؤں کے باعث آمدورفت میں مشکلات کا سامنا کرنا پڑ رہا ہے کئی پروازیں منسوخ یا تاخیر کا شکار ہوئیں ۔